{"id":10181,"date":"2025-09-25T13:42:42","date_gmt":"2025-09-25T11:42:42","guid":{"rendered":"https:\/\/demo.forulege.com\/ley\/155-2017-dekretua-maiatzaren-16koa-euskal-autonomia-erkidegoko-izatezko-bikoteen-erregistroaren-erregelamendua-onartzeko-dena\/"},"modified":"2026-10-16T13:31:54","modified_gmt":"2026-10-16T11:31:54","slug":"155-2017-dekretua-maiatzaren-16koa-euskal-autonomia-erkidegoko-izatezko-bikoteen-erregistroaren-erregelamendua-onartzeko-dena","status":"publish","type":"ley","link":"https:\/\/www.forulege.com\/eu\/ley\/155-2017-dekretua-maiatzaren-16koa-euskal-autonomia-erkidegoko-izatezko-bikoteen-erregistroaren-erregelamendua-onartzeko-dena\/","title":{"rendered":"155\/2017 DEKRETUA, maiatzaren 16koa, Euskal Autonomia Erkidegoko Izatezko Bikoteen Erregistroaren Erregelamendua onartzeko dena."},"content":{"rendered":"

\n EUSKAL HERRIKO AGINTARITZAREN ALDIZKARIA<\/span>\n<\/p>\n

\n 100. zk.<\/span>\n<\/p>\n

\n 2017ko maiatzaren 29a, astelehena<\/span>\n<\/p>\n

<\/a><\/p>\n

\n <\/a>XEDAPEN OROKORRAK<\/span>
\n<\/h2>\n

\n ENPLEGUKO ETA GIZARTE POLITIKETAKO SAILA<\/span>\n<\/p>\n

<\/a><\/p>\n

\n <\/a>2623<\/span>
\n<\/h1>\n

\n 155\/2017 DEKRETUA, maiatzaren 16koa, Euskal Autonomia Erkidegoko Izatezko Bikoteen Erre-gistroaren Erregelamendua onartzeko dena.
\n<\/h1>\n

\n Izatezko bikote bat eratzeko akordioa egiten duten pertsonei aplikatzeko araubide juridikoa erregulatzea da Izatezko Bikoteak Arautzeko maiatzaren 7ko 2\/2003 Legearen xedea. Helburu hori betetzeko, Euskal Autonomia Erkidegoko Izatezko Bikoteen Erregistroa sortzen du legeak 4.1 artikuluan. Organikoki, une bakoitzean haren kudeaketa esleiturik daukan sailaren mendekoa izango da, eta izaera administratiboa eta funtzionamendu deszentralizatua izango ditu.<\/span>\n<\/p>\n

\n Jarraian, 4. artikuluaren bigarren zenbakian, Izatezko Bikoteen Erregistroak izan beharreko xedea ezartzen da. Izatezko bikoteak eratzeko eta azkentzeko deklarazioak jasoko ditu, bai eta bikoteak ezarri ahal izango dituen ekonomia- eta ondare-erregimena arautzeko hitzarmen nahiz itunak ere. Eta, azkenik, bere egitura eta jardunbidea erregelamendu bidez ezarriko direla ezar-tzen du.<\/span>\n<\/p>\n

\n Aurreko agindua betetzeko, eta aipaturiko legearen azken xedapenetatik lehenengoan aurreiku-sitako lege-gaikuntzaren arabera, Euskal Autonomia Erkidegoko Izatezko Bikoteen Erregistroaren Erregelamendua onartzeko ekainaren 22ko 124\/2004 Dekretuaren bitartez arautu zen Izatezko Bikoteen Erregistroa.<\/span>\n<\/p>\n

\n Euskal Autonomia Erkidegoko Izatezko Bikoteen Erregistroaren Erregelamendua onetsi zene-tik denbora igaro denez gero, hartan jasota ez zeuden hainbat egoera sortzen joan dira. Egoerok zailtasunak zekartzaten Izatezko Bikoteen Erregistroan eskaerak aurkezteko, eta, aldizka, erre-gistrorako sarbidea izatea galarazi ere egiten zuten. Era berean, izatezko Bikoteen Erregistroan has daitezkeen prozedura ezberdinei berme handiagoa emateko asmoz, izen-emateak onartzeko izapideak ordenatu eta sendotzeko beharrizana ere detektatu da; segurtasun juridiko handia-goarena, funtsean. Egoera eta behar horiek guztiek 124\/2004 Dekretua ordeztuko duen Euskal Autonomia Erkidegoko Izatezko Bikoteen Erregelamendu arautzaile berri bat onesteko egokita-suna bultzatu dute.<\/span>\n<\/p>\n

\n Beste alde batetik, orain dela gutxi Euskal Zuzenbide Zibilari buruzko ekainaren 25eko 5\/2015 Legea onetsi izanak eragin zuzena izan du, bigarren xedapen gehigarriaren bidez, iza-tezko bikotekideei aplika dakieken araubide juridikoan.<\/span>\n<\/p>\n

\n Zehazki, bigarren xedapen gehigarriaren bigarren atalak aldatu egiten ditu Izatezko Bikoteei buruzko Legearen 2. eta 5. artikuluak, eta eragin zuzena du, eginiko aldaketen bidez, hala iza-tezko bikoteetan (izatezko bikotearen eratze-deklarazioa Euskal Autonomia Erkidegoko Izatezko Bikoteen Erregistroan inskribatzeko eskatu ahal izango da) nola Erregistrora jotzen duten izatezko bikoteen ekonomia- eta ondare-araubidean, hurrenez hurren.<\/span>\n<\/p>\n

\n Izatezko Bikoteei buruzko Legearen 2. artikuluaren idazpen berriak (eta, zehazki, artikulu horren azken paragrafoak) aldaketa bat dakar Euskal Autonomia Erkidegoko Izatezko Bikoteen Erregis-troan inskripzioa bere horretan egiteko eskatu ahal izateko izatezko bikoteek bete behar dituzten baldintzetan, aipatutako lege-testuan jasotako xedapenak aplikatu ahal izateko. Hain zuzen ere, aldaketa horrek dakar izatezko bikotekideetako batek gutxienez euskal auzotasun zibila izatea eskatzea, aldez aurretik aurreikusitako auzotasun zibil administratiboaren ordez.<\/span>\n<\/p>\n

\n 2017ko maiatzaren 29a, astelehena<\/span>\n<\/p>\n

\n Hori dela eta, euskal auzotasun zibilaren aipamenak nahitaez dakar Kode Zibilean gai horri buruz jasotako arau araupetzaileetara jotzea (14. artikuluan zehazten dira), auzotasun hori lor-tzeko, mantentzeko eta galtzeko moduak ezagutzeko, eta, horrenbestez, zehaztu ahal izateko nork duen euskal auzotasun zibila eta nork duen gaitasuna izatezko bikotea Euskal Autonomia Erkidegoko Izatezko Bikoteen Erregistroan inskribatzeko.<\/span>\n<\/p>\n

\n Bestalde, Izatezko Bikoteei buruzko Legearen 5. artikuluan sartutako xedapen berriak, eko-nomia- eta ondare-harremanen esparruan, zehaztu egiten du zein araubide ekonomiko aplikatu behar zaien izatezko bikoteei, bikoteko kideek horren inguruko adostasunik lortu edo aurreikusi ez duten kasuetan. Hori ikusita eta bat etorriz 5. artikuluarekin, lege honek araupetutako izatezko bikoteen ekonomia- eta ondare-araubidearen inguruko berariazko adostasunik lortu ezean, Kode Zibilean ezarritako ondasunen banaketa aplikatuko da.<\/span>\n<\/p>\n

\n Dekretu honen bitartez onesten den Euskal Autonomia Erkidegoko Izatezko Bikoteen Erregis-troaren Erregelamendu arautzaileak bost kapitulu ditu.<\/span>\n<\/p>\n

\n Lehenengo kapituluan Euskal Autonomia Erkidegoko Izatezko Bikoteen Erregistroari esleitzen zaizkion xede, antolamendu eta funtzioak ezartzen dira. Juridikoki, erregistro bakartzat konfigura-tutako administrazio-organoa da, baina, deszentralizazio-printzipioa aplikatuz, izatezko bikoteen arloan eskuduna den eta Izatezko Bikoteen Erregistroa kudeatzeko eta mantentzeko eskumena bere gain hartzen duen sailaren lurralde historikoetako administrazio-unitateen bitartez kudea-tuko da.<\/span>\n<\/p>\n

\n Hartarako, administrazio-unitate ezberdinen artean beharrezko den koordinazioari buruzko xedapen zehatzak aurreikusten dira, bai eta ordezkaritzei informazioa emateko bideei eta ins-kripzio- eta kudeaketa-prozedurari buruzko arau erkideak onesteari buruzkoak ere. Izatezko bikoteen arloan eskuduna den sailaren zuzendariaren gain egongo dira funtzio horiek guztiak.<\/span>\n<\/p>\n

\n Azkenik, Izatezko Bikoteen Erregistroa udaletako izatezko bikote edo elkarketen erregistroekin koordinatzeko beharra jasotzen da.<\/span>\n<\/p>\n

\n Bigarren kapituluak bost atal ditu, eta Euskal Autonomia Erkidegoko Izatezko Bikoteen Erregis-troari egin dakizkiokeen eskaera ezberdinak arautzen ditu. Hori horrela izanik, lehenengo atalean eskaera mota guztiei ezartzeko xedapenak jasotzen dira; haien artean, eskaerek bildu beharreko baldintza orokorrak, berauek aurkezteko tokia eta forma, nortasuna egiaztatzeko moduak eta atzerriko agiriek bete beharreko baldintzak. Jarraian, bigarren ataletik bosgarreneraino, eskaera mota ezberdinek bildu beharreko baldintza zehatzak jorratzen dira, haien artean: izatezko bikotea eratzeko deklarazioak inskribatzeko eskaerak, aurreko inskripzioa ezeztatzeko eskaerak, iza-tezko bikotearen ekonomia- eta ondare-harremanak arautzeko hitzarmena erantsi edo aldatzeko eskaerak, eta Izatezko Bikoteen Erregistroan sartu diren izatezko bikoteen harremanaren edukia erasaten duten egintza edo gertaerak ziurtatzeko eskaerak, beste edonolako baldintza edo gaiak ziurtatzeko eskaerak, eta bai horiek guztiak aurkezteko eskubidea duten pertsonak ere.<\/span>\n<\/p>\n

\n Hirugarren kapituluan, Euskal Autonomia Erkidegoko Izatezko Bikoteen Erregistroak Erregistroan bertan jasotako eskaerei dagokienez jarraitu beharreko jardunbide orokorra garatzen da. Bertan, eskaera onartzen denetik kalifikatzen den arte egin beharreko izapideak xedatzen dira, egiaztatze aldera Izatezko Bikoteak Arautzeko Legeak eskatzen dituen baldintzak eta Dekretu honek onar-tzen duen Araudiko aurreikuspenak betetzen direla. Hala badagokio, bikoteak eskaerarekin batera aurkeztutako ekonomia- eta ondare-harremanak arautzeko itunetan jasotako eskubide eta bete-beharren legezkotasuna ere egiaztatuko da. Hasitako prozedura amaitu aurretik egin behar izango da hori guztia. Azken fase horren arabera ezarriko dira eskaeren ebazpen- eta jakinarazpen-epeei, isiltasun administratiboaren eraginei eta inpugnazio-bideei buruzko aurreikuspenak.<\/span>\n<\/p>\n

\n 2017ko maiatzaren 29a, astelehena<\/span>\n<\/p>\n

\n Laugarren kapituluan, Euskal Autonomia Erkidegoko Izatezko Bikoteen Erregistroan izatezko bikoteek egindako inskripzio ezberdinen forma, edukia eta eraginkortasuna jorratzen dira, bai eta izatezko bikotearen azkentzearen ondorioz inskripzioa ezeztatzea ere. Halaber, kapituluaren amaieran, Izatezko Bikoteen Erregistroak, edozein unetan, ofizioz edo pertsona interesdunek eskaturik, bere egintzetako akats materialak zuzentzeko aukera izango duela aurreikusten da.<\/span>\n<\/p>\n

\n Azkenik, bosgarren kapituluan, Erregistroaren publikotasunaren esparruan eta hartarako esku-dunak diren pertsona edo organoek eskaturik, Euskal Autonomia Erkidegoko Izatezko Bikoteen Erregistroak inskripzioen edo Erregistroko beste edozein gairen ziurtagiriak igortzeko ahalbidea arautzen da. Kapitulu honetan, inskripzioen nahiz Izatezko Bikoteen Erregistroan aurkeztutako eskaerei dagokienez hartutako ebazpenen ondorio diren egiaztatze-efektuak arautzen dira, baita ere. Eta, azkenik, Izatezko Bikoteen Erregistroak izapidetutako espediente artxibatuen kontsulta zuzena ahalbidetzeko xedapen zehatzak ezartzen dira.<\/span>\n<\/p>\n

\n Ondorioz, Enplegu eta Gizarte Politiketako sailburuaren proposamenez, Euskadiko Aholku Batzorde Juridikoarekin bat etorriz eta gaia Gobernu Kontseiluak 2017ko maiatzaren 16an egin-dako bilkuran aztertu eta onartu ondoren, honako hau<\/span>\n<\/p>\n

\n XEDATZEN DUT:<\/span>\n<\/p>\n

\n Artikulu bakarra.- Euskal Autonomia Erkidegoko Izatezko Bikoteen Erregistroaren Erregela-mendu arautzailea onartzea.<\/span>\n<\/p>\n

\n Euskal Autonomia Erkidegoko Izatezko Bikoteen Erregistroaren Erregelamendu arautzailea onartzen da, zeinaren testua dekretu honen eranskinean zehazten den.<\/span>\n<\/p>\n

\n XEDAPEN IRAGANKORRA<\/span>\n<\/p>\n

\n Euskal Autonomia Erkidegoko Administrazio Orokorrean Administrazio Publikoen Administrazio Prozedura Erkideari buruzko urriaren 1eko 39\/2015 Legean definitutako ezaugarriak eta nolako-tasunak dituen erregistro elektroniko orokorrik existitzen ez den eta erabilgarri ez dagoen artean, eskaerak izapidetu eta ebazteko, eta ebazpenak jakinarazteko epearen hasiera-data izapidetzeko organo eskudunak emandako sarrera-erregistroko data izango da.<\/span>\n<\/p>\n

\n XEDAPEN INDARGABETZAILEA<\/span>\n<\/p>\n

\n Dekretu hau indarrean jartzean, indargabetu egingo da 124\/2004 Dekretua, ekainaren 22koa, Euskal Autonomia Erkidegoko Izatezko Bikoteen Erregistroaren Erregelamendua onartzekoa, bai eta, oro har, dekretu honetan xedatutakoaren aurka doazen maila bereko edo apalagoko xedapen guztiak ere.<\/span>\n<\/p>\n

\n AZKEN XEDAPENETATIK LEHENENGOA.- Erregelamendu-Garapena.<\/span>\n<\/p>\n

\n Izatezko bikoteen arloaren eskumena duen sailburuari ahalmena ematen zaio Euskal Autonomia Erkidegoko Izatezko Bikoteen Erregistroaren Erregelamendu arautzaile honetan aurreikusitakoa garatzeko eta gauzatzeko beharrezko diren xedapenak egiteko.<\/span>\n<\/p>\n

\n AZKEN XEDAPENETATIK BIGARRENA.- Eskabide normalizatuak.<\/span>\n<\/p>\n

\n Izatezko bikoteen gaian eskuduna den sailburuari ahalmena eman zaio Euskal Autonomia Erki-degoko Izatezko Bikoteen Erregistroaren Erregelamendu arautzailean erantsitako eskabideen eredu normalizatuak egunera edo alda ditzan.<\/span>\n<\/p>\n

\n 2017ko maiatzaren 29a, astelehena<\/span>\n<\/p>\n

\n AZKEN XEDAPENETATIK HIRUGARRENA.- Indarrean jartzea.<\/span>\n<\/p>\n

\n Dekretu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.<\/span>\n<\/p>\n

\n Vitoria-Gasteizen, 2017ko maiatzaren 16an.<\/span>\n<\/p>\n

\n Lehendakaria,<\/span>\n<\/p>\n

\n I\u00d1IGO URKULLU RENTERIA.<\/span>\n<\/p>\n

\n Enpleguko eta Gizarte Politiketako sailburua, BEATRIZ ARTOLAZABAL ALBENIZ.<\/span>\n<\/p>\n

\n 2017ko maiatzaren 29a, astelehena<\/span>\n<\/p>\n

\n I ERANSKINA<\/span>\n<\/p>\n

\n 155\/2017 DEKRETUA, MAIATZAREN 16KOA, EUSKAL AUTONOMIA ERKIDEGOKO IZATEZKO BIKOTEEN ERREGISTROAREN ERREGELAMENDUA<\/span>\n<\/p>\n