{"id":10175,"date":"2025-09-25T13:42:42","date_gmt":"2025-09-25T11:42:42","guid":{"rendered":"https:\/\/demo.forulege.com\/ley\/140-2016-dekretua-urriaren-4koa-euskal-zuzenbide-zibilaren-batzordearen-estatutuakonartzekoa\/"},"modified":"2026-10-16T13:31:53","modified_gmt":"2026-10-16T11:31:53","slug":"140-2016-dekretua-urriaren-4koa-euskal-zuzenbide-zibilaren-batzordearen-estatutuakonartzekoa","status":"publish","type":"ley","link":"https:\/\/www.forulege.com\/eu\/ley\/140-2016-dekretua-urriaren-4koa-euskal-zuzenbide-zibilaren-batzordearen-estatutuakonartzekoa\/","title":{"rendered":"140\/2016 DEKRETUA, urriaren 4koa, Euskal Zuzenbide Zibilaren Batzordearen Estatutuak onartzekoa."},"content":{"rendered":"<p>\n  <span class=\"font1\" style=\"font-weight:bold;\">EUSKAL HERRIKO AGINTARITZAREN ALDIZKARIA<\/span>\n<\/p>\n<p>\n  <span class=\"font0\">192. zk.<\/span>\n<\/p>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<p><a name=\"caption1\" id=\"caption1\"><\/a><\/p>\n<h2>\n  <a name=\"bookmark0\" id=\"bookmark0\"><\/a><span class=\"font2\">XEDAPEN OROKORRAK<\/span><br \/>\n<\/h2>\n<p>\n  <span class=\"font1\">HERRI ADMINISTRAZIO ETA JUSTIZIA SAILA<\/span>\n<\/p>\n<p><a name=\"caption2\" id=\"caption2\"><\/a><\/p>\n<h1>\n  <a name=\"bookmark1\" id=\"bookmark1\"><\/a><span class=\"font3\">4251<\/span><br \/>\n<\/h1>\n<h1>\n  140\/2016 DEKRETUA, urriaren 4koa, Euskal Zuzenbide Zibilaren Batzordearen Estatutuak onartzekoa.<br \/>\n<\/h1>\n<p>\n  <span class=\"font1\">Euskal Zuzenbide Zibilari buruzko ekainaren 25eko 5\/2015 Legean bertan sortu zen Euskal Zuzenbide Zibilaren Batzordea. Hain zuzen ere, lehenengo xedapen gehigarrian xedatzen da batzorde hori sortzea. Kontsulta-organo gisa sortzen da, Euskal Zuzenbide Zibilaren garapena sustatzeko eta arlo horretan Eusko Jaurlaritzari eta Legebiltzarrari aholkularitza eskaintzeko xedez, baita arlo horretan lege-berrikuntzak eta aldaketak proposatzeko ere.<\/span>\n<\/p>\n<p>\n  <span class=\"font1\">Azken xedapenean ezarritako vacatio legis epea agortuta, 2015eko urriaren 3an indarrean sartu zen legea. Beraz, aipatutako xedapen gehigarri horren bigarren zenbakian adierazten den bezala, Jaurlaritzak Euskal Zuzenbide Zibilaren Batzordearen estatutuak egin eta onartu behar ditu, dekretu bidez, legearen agindua erregelamendu bidez garatuz.<\/span>\n<\/p>\n<p>\n  <span class=\"font1\">Horrela, bada, dekretu hau, Euskal Zuzenbide Zibilari buruzko ekainaren 25eko 5\/2015 Legea bera bezala, Euskal Autonomia Erkidegoaren Estatutuaren 10.5 artikuluan ezarritako eskumenean oinarritzen da; izan ere, artikulu horren arabera, Euskal Autonomia Erkidegoaren eskumen esklu-siboa da Euskal Autonomia Erkidegoa osatzen duten lurralde historikoetako foru-zuzenbide zibil eta berezia, dela idatzia ala ohiturazkoa, gorde, aldatu nahiz garatzea, eta indarra zein lurraldetan izango duen finkatzea. Eskumen-titulu horrekin batera, eta horren gainetik, Administrazioak bere burua garatzeko daukan ahala aktibatzen du proiektu honek, zeina 10.2 artikuluan islatzen den. Artikulu horren arabera, Autonomia Erkidegoaren eskumen esklusiboa da bere \u00abautogoberna-tzeko erakundeen antolamendu, erregimen eta funtzionamendua, betiere estatutu honen arauen barruan\u00bb.<\/span>\n<\/p>\n<p>\n  <span class=\"font1\">Ondorioz, Herri Administrazio eta Justiziako sailburuaren proposamenez, Euskadiko Aholku Batzorde Juridikoaren adostasunarekin, lehendakariak aldez aurretik onarturik, eta Gobernu Kon-tseiluak 2016ko urriaren 4an egindako bilkuran eztabaidatu eta onartu ondoren, hauxe<\/span>\n<\/p>\n<h3>\n  <a name=\"bookmark2\" id=\"bookmark2\"><\/a><span class=\"font1\">XEDATZEN DUT:<\/span><br \/>\n<\/h3>\n<p>\n  <span class=\"font1\">Artikulu bakarra.- Euskal Zuzenbide Zibilaren Batzordearen Estatutuak onartzea.<\/span>\n<\/p>\n<p>\n  <span class=\"font1\">Euskal Zuzenbide Zibilaren Batzordearen Estatutuak onartzen dira. Estatutuen testua dekretu honen eranskinean jaso da.<\/span>\n<\/p>\n<p>\n  <span class=\"font1\">AZKEN XEDAPENETATIK LEHENENGOA.- Batzordeak zer atxikipen organiko izango duen Eus-kal Autonomia Erkidegoko Administrazio Orokorrean.<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">1.- Herri Administrazio eta Justizia Sailaren egitura organikoa eta funtzionala ezartzeko apirila-ren 9ko 188\/2013 Dekretuaren 2. artikuluaren 2. zenbakiari k) letra eransten zaio. Honela geldituko da idatzita:<\/span>\n    <\/p>\n<\/li>\n<\/ul>\n<p>\n  <span class=\"font1\">\u00abk) Euskal Zuzenbide Zibilaren Batzordea, Euskal Zuzenbide Zibilari buruzko ekainaren 25eko 5\/2015 Legearen bidez sortua.\u00bb<\/span>\n<\/p>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">2.- Herri Administrazio eta Justizia Sailaren egitura organikoa eta funtzionala ezartzeko api-rilaren 9ko 188\/2013 Dekretuaren 11. artikuluari 6. zenbakia eransten zaio. Honela geldituko da idatzita:<\/span>\n    <\/p>\n<\/li>\n<\/ul>\n<p>\n  <span class=\"font1\">\u00ab6.- Euskal Zuzenbide Zibilari buruzko ekainaren 25eko 5\/2015 Legearen erregelamendu bidezko garapenean ezarritako moduan, Araubide Juridikoaren Sailburuordetzari atxikiko zaio Euskal Zuzenbide Zibilaren Batzordea.\u00bb<\/span>\n<\/p>\n<p>\n  <span class=\"font1\">AZKEN XEDAPENETATIK BIGARRENA.- Indarrean sartzea.<\/span>\n<\/p>\n<p>\n  <span class=\"font1\">Euskal Herriko Agintaritzaren Aldizkarian argitaratu eta biharamunean sartuko dira indarrean dekretu hau eta Euskal Zuzenbide Zibilaren Batzordearen Estatutuak.<\/span>\n<\/p>\n<p>\n  <span class=\"font1\">Vitoria-Gasteizen, 2016ko urriaren 4an.<\/span>\n<\/p>\n<p>\n  <span class=\"font1\">Lehendakaria, I\u00d1IGO URKULLU RENTERIA.<\/span>\n<\/p>\n<p>\n  <span class=\"font1\">Herri Administrazio eta Justiziako sailburua,<\/span>\n<\/p>\n<p>\n  <span class=\"font1\">JOSU I\u00d1AKI ERKOREKA GERVASIO.<\/span>\n<\/p>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<p>\n  <span class=\"font1\">ERANSKINA, URRIAREN 4KO 140\/2016 DEKRETUARENA<\/span>\n<\/p>\n<p>\n  <span class=\"font1\">EUSKAL ZUZENBIDE ZIBILAREN BATZORDEAREN ESTATUTUAK<\/span>\n<\/p>\n<ul style=\"list-style:none;\">\n<li>\n<h3>\n      <a name=\"bookmark3\" id=\"bookmark3\"><\/a><span class=\"font1\">I. KAPITULUA<\/span><br \/>\n    <\/h3>\n<\/li>\n<\/ul>\n<h3>\n  <a name=\"bookmark4\" id=\"bookmark4\"><\/a><span class=\"font1\">XEDAPEN OROKORRAK<\/span><br \/>\n<\/h3>\n<ul style=\"list-style:none;\">\n<li>\n<p>\n      <span class=\"font1\">1. artikulua.- Euskal Zuzenbide Zibilaren Batzordea.<\/span>\n    <\/p>\n<\/li>\n<\/ul>\n<p>\n  <span class=\"font1\">Euskal Zuzenbide Zibilaren Batzordea kide anitzeko aholku-organoa da, eta haren xedea da Euskal Zuzenbide Zibilaren garapena sustatzea. Horretarako, honako hauek egingo ditu: ikertu, ebaluatu, proposamenak eztabaidatu eta aholkularitza eman Eusko Legebiltzarrari eta Eusko Jaurlaritzari, baita arlo horretan lege-berrikuntzak eta aldaketak proposatu ere.<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">2. artikulua.- Atxikipen organikoa eta araubide juridikoa.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">1. &#8211; Euskal Autonomia Erkidegoko Administrazio Orokorrean Zuzenbide Zibilaren arloan eskumena duen sailera atxikita dago Euskal Zuzenbide Zibilaren Batzordea, sail horren egitura organikoari buruz indarrean dauden arauekin bat etorriz.<\/span>\n    <\/p>\n<\/li>\n<li>\n<p>\n      <span class=\"font1\">2. &#8211; Batzordeak, atxikita dagoen sailari berariaz eskatu ondoren, beste sail batzuen esku-menekoak diren araugintzako proiektuetan edo arloetan, goian aipatutako ikerketa, ebaluazio, proposamenen eztabaida eta aholkularitza zeregin horiek ere bete ahal izango ditu, baldin eta Zuzenbide Zibilarekin lotuta badaude edo zeharka zerikusirik badute, edo sail ezberdinek ekimena batera tramitatu behar badute.<\/span>\n    <\/p>\n<\/li>\n<li>\n<p>\n      <span class=\"font1\">3. &#8211; Batzordeak estatutu hauek bete beharko ditu, eta, ordezko moduan, administrazio publikoen prozedurari eta araubide juridikoari buruzko legeriak kide anitzeko organoen funtzionamenduare-kin lotuta xedatzen duena.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">3. artikulua.- Egoitza.<\/span>\n    <\/p>\n<\/li>\n<\/ul>\n<p>\n  <span class=\"font1\">Euskal Zuzenbide Zibilaren Batzordearen egoitza Gasteizen dago.<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">4. artikulua.- Kanpoko harremana.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">1. &#8211; Eusko Jaurlaritzak lankidetza-tresnak formalizatzea bultzatu eta sustatuko du Batzordea-ren antzeko izaera duten Zuzenbide Zibilean espezializatutako edo kodetzearen arloko beste aholku-organo batzuekin, Espainian zein Europan edo nazioartean. Xedea izango da esperientzien trukea bultzatzea, elkarren jardunbide egokiak ezagutzea eta tresna praktiko edo informatikoak garatzea, edo interes komuneko gaietan beste lankidetza-arlo batzuk garatzea.<\/span>\n    <\/p>\n<\/li>\n<li>\n<p>\n      <span class=\"font1\">2. &#8211; Euskal Zuzenbide Zibilaren Batzordeak harremana izango du Zuzenbidearen arloko ikas-keta, informazio eta ikerketa institutu eta zentroekin, baldin eta interesgarritzat jotzen badu bere xedeak betetzeko.<\/span>\n    <\/p>\n<\/li>\n<li>\n<p>\n      <span class=\"font1\">3. &#8211; Gizarte zibilak eta, bereziki, Euskal Zuzenbide Zibilaren Batzorde honen alorrekoak diren gaiekin lotutako lege- eta erregelamendu-ekimenak sustatzen dituzten batzordeek, bai eta Zuzenbide Zibilaren arloan interesa duten herritarren elkarteek, elkarte profesionalek edo elkarte enpresarialek ere, Batzordearen lanetan parte hartu ahal izango dute, Estatutu hauek eta Batzor-deak berak ezarritako eran.<\/span>\n    <\/p>\n<\/li>\n<\/ul>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">5. artikulua.- Batzordearen eginkizunak.<\/span>\n    <\/p>\n<\/li>\n<\/ul>\n<p>\n  <span class=\"font1\">Euskal Zuzenbide Zibilari buruzko ekainaren 25eko 5\/2015 Legearen lehenengo xedapen gehi-garriak emandako misioarekin bat etorrita, honako eginkizun hauek izango ditu Euskal Zuzenbide Zibilaren Batzordeak:<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">a) Euskal Zuzenbide Zibilaren garapena sustatzea, batez ere lege-erreformak egiteko beha-rrizanari buruzko irizpenak emanez, erreforma horien helburua denean bai indarrean dauden xedapenak kontsolidatzea, harmonizatzea eta sinplifikatzea, edo bai euskal legeria unean-uneko errealitate sozialera egokitzea, erakunde berriak arautzeko egokitasunari buruzko azterketak egi-tea barne, hala badagokio.<\/span>\n    <\/p>\n<\/li>\n<li>\n<p>\n      <span class=\"font1\">b) Indarrean dagoen zuzenbidea berrikusi, ikertu eta aztertzea, barruan hartuta, idatzizko arauez gain, ohiturazko zuzenbidea eta Euskal Zuzenbide Zibilaren jatorrian dauden printzipio orokorreta-tik datorrena jakinaraztea eta hedatzea, zuzenbide horren aplikazioa errazteko xedez eta aurreko letran aipatzen den garapenaren euskarri izan beharko diren oinarriak eta konexio-puntuak ezar-tzeko xedez.<\/span>\n    <\/p>\n<\/li>\n<li>\n<p>\n      <span class=\"font1\">c) Zaintzako eta alerta goiztiarreko lanak egitea, Euskal Zuzenbide Zibilaren legegintza garape-nak eta aplikazioak izango duten Estatuko eta Europako arau-esparruaren alorrean, baita Eusko Jaurlaritzak eta Legebiltzarrak eska dezaketen aholkularitza ematea ere, batez ere erakunde horiei Estatutik edo Europatik legegintza- edo araugintza-prozeduren tramitazioa dela-eta kontsul-tak egiten dizkietenean.<\/span>\n    <\/p>\n<\/li>\n<li>\n<p>\n      <span class=\"font1\">d) Eskatzen dizkioten lege-aurreproiektuen eta xedapen-proiektuen zuzentasun teknikoa eta hizkera juridikoaren eta estiloaren argitasuna sustatzea, hizkera inklusiboaren erabilera barne, eta, era berean, Batzordetik ateratzen diren testuetan aplikatzea indarrean diren legegintzako teknikaren zuzentarauak eta egin beharreko lege-proiektu, dekretu, agindu eta ebazpenak egite-koenak. Era berean, euskararen erabilera sustatuko da Euskal Zuzenbide Zibilaren adierazpen hizkuntza legez eta bere terminologia juridikoaren azterketa, bultzada eta zabalkundea, Euskal-tzaindia, Eusko Legebiltzarra, Herri Arduralatitzaren Euskal Erakundea eta bere kasuan egiteko honetrarako egoki irizten diren beste gizarte eragileekin elkarlanean.<\/span>\n    <\/p>\n<\/li>\n<li>\n<p>\n      <span class=\"font1\">e) Europan eta Estatuan oro har onartzen diren erregulazio onaren printzipioak, eta bai adminis-trazio-prozedurako oinarrizko legeriak zein euskal sektore publikoaren gobernantza onak eskatzen dituenak, bermatzea, eta, era berean, kontuan hartzea edo sustatzea indarrean dauden arauen emaitzen ebaluazioak eta, eskatzekoak direnean, egiten dituen araugintza-proposamenen inpak-tuaren aurretiazko ebaluazioa.<\/span>\n    <\/p>\n<\/li>\n<li>\n<p>\n      <span class=\"font1\">f) Zuzenbide Zibilaren alorrean eskumena duen saileko titularrari aholkularitza ematea, eta, hala badagokio, Administrazio Orokorraren gainerako sailei eta, era berean, baita Batzordearekin harremana izateko ardura daukan Legebiltzarreko organoari ere, eskatzen duten guztietan.<\/span>\n    <\/p>\n<\/li>\n<li>\n<p>\n      <span class=\"font1\">g) Artikulu honetan ezarritakoez gain edo haien osagarri gisa, Zuzenbide Zibilaren alorrean eskumena duen saileko titularrak agintzen dizkion gainerako eginkizunak.<\/span>\n    <\/p>\n<\/li>\n<\/ul>\n<h3>\n  <a name=\"bookmark5\" id=\"bookmark5\"><\/a><span class=\"font1\">II. KAPITULUA<\/span><br \/>\n<\/h3>\n<h3>\n  <a name=\"bookmark6\" id=\"bookmark6\"><\/a><span class=\"font1\">ANTOLAKETA ETA OSAERA<\/span><br \/>\n<\/h3>\n<ul style=\"list-style:none;\">\n<li>\n<p>\n      <span class=\"font1\">6. artikulua.- Antolaketa.<\/span>\n    <\/p>\n<\/li>\n<\/ul>\n<p>\n  <span class=\"font1\">Euskal Zuzenbide Zibilaren Batzordeak honako organo hauek izango ditu:<\/span>\n<\/p>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">a) Lehendakaritza.<\/span>\n    <\/p>\n<\/li>\n<li>\n<p>\n      <span class=\"font1\">b) Osoko Bilkura.<\/span>\n    <\/p>\n<\/li>\n<li>\n<p>\n      <span class=\"font1\">c) Idazkaritza Nagusia.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">7. artikulua.- Batzordeko lehendakaria eta haren eginkizunak.<\/span>\n    <\/p>\n<\/li>\n<\/ul>\n<p>\n  <span class=\"font1\">Zuzenbide Zibilaren arloan eskumena duen saileko titularra izango da Euskal Zuzenbide Zibila-ren Batzordeko lehendakaria, eta, lehendakari gisa, honako eginkizunak izango ditu:<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">a) Batzordeko ordezkari izatea.<\/span>\n    <\/p>\n<\/li>\n<li>\n<p>\n      <span class=\"font1\">b) Batzordearen osoko bilkuraren bileretan buru izatea, eta, Komite Teknikoaren bileretara joa-ten bada, haietan ere buru izatea.<\/span>\n    <\/p>\n<\/li>\n<li>\n<p>\n      <span class=\"font1\">c) Bera dagoen bileretan sortzen diren berdinketak bere botoaren bidez ebaztea.<\/span>\n    <\/p>\n<\/li>\n<li>\n<p>\n      <span class=\"font1\">d) Osoko Bilkuraren bileretarako deialdiak egitea.<\/span>\n    <\/p>\n<\/li>\n<li>\n<p>\n      <span class=\"font1\">e) Batzordekideak izendatzea.<\/span>\n    <\/p>\n<\/li>\n<li>\n<p>\n      <span class=\"font1\">f) Batzordearen urteko jarduera-plana onartzea, plan hori osoko bilkuran eztabaidatu ondoren.<\/span>\n    <\/p>\n<\/li>\n<li>\n<p>\n      <span class=\"font1\">g) Batzorde Teknikoari arau-proposamenak, irizpenak edo txostenak egin ditzan eskatzea, bere ekimenez edo Batzordeko bokalek aurkeztutako mozioetan oinarrituta, eta Legebiltzarretik har-tzen diren eskaera guztiak kontuan hartuta betiere.<\/span>\n    <\/p>\n<\/li>\n<li>\n<p>\n      <span class=\"font1\">h) Batzordeari planteatutako gaien gaineko erantzuna Legebiltzarrera edo, hala dagokionean, aurreproiektuaren tramitazioa edo txostenaren edo irizpenaren berri izatea dagokion Administrazio Orokorreko zuzendaritzara edo sailera bidal dadin agintzea, eta, hala dagokionean, Batzordeak egindako proposamenak, azterketak edo txostenak argitara daitezen agintzea.<\/span>\n    <\/p>\n<\/li>\n<li>\n<p>\n      <span class=\"font1\">i) Hala dagokionean, bere sailaren eskumenekoak diren araugintza-aurreproiektu eta -proposa-menei dagokien tramitazioa agintzea.<\/span>\n    <\/p>\n<\/li>\n<li>\n<p>\n      <span class=\"font1\">j) Euskal Zuzenbide Zibilaren Batzordearen jardunari buruzko urteroko txostena igortzea Eusko Legebiltzarrari, honen ezagutza hutserako.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">8. artikulua.- Osoko bilkura.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">1.- Batzordearen osoko bilkuran, Batzordeko lehendakariaz eta idazkaritza nagusiko eginki-zunen ardura duten karguez gain, honako erakunde edo organoek kasuan-kasuan bokal izateko izendatzen dituztenak ere egongo dira:<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">a) Zuzenbide Zibilaren arloan eskumena duen Eusko Jaurlaritzaren saileko hiru goren-kargu edo goi-kargudun.<\/span>\n    <\/p>\n<\/li>\n<li>\n<p>\n      <span class=\"font1\">b) Eusko Legebiltzarrak izendatutako ospe handiko hiru legelari.<\/span>\n    <\/p>\n<\/li>\n<li>\n<p>\n      <span class=\"font1\">c) Lurralde Historikoetako Batzar Nagusiek izendatutako ospe handiko legelari bana; hiru, guztira.<\/span>\n    <\/p>\n<\/li>\n<li>\n<p>\n      <span class=\"font1\">d) Emakunde ordezkatzeko bat eta Euskal Autonomia Erkidegoko Administrazio Orokorrean Europako gaien gainean, ekonomia sozialare gainean eta familia-politikaren gainean eskumena duten organoek izendatutako bana; lau, guztira.<\/span>\n    <\/p>\n<\/li>\n<li>\n<p>\n      <span class=\"font1\">e) Araba, Gipuzkoa eta Bizkaiko abokatuen elkargoek izendatutako bana; hiru, guztira.<\/span>\n    <\/p>\n<\/li>\n<\/ul>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">f) Araba, Gipuzkoa eta Bizkaiko prokuradoreen elkargoek izendatutako bana; hiru, guztira.<\/span>\n    <\/p>\n<\/li>\n<li>\n<p>\n      <span class=\"font1\">g) Euskal Herriko Notarioen Elkargoak izendatutako hiru pertsona, haien jatorriari dagokionez lurraldeen arteko oreka egokia aditzeko beharrarekin.<\/span>\n    <\/p>\n<\/li>\n<li>\n<p>\n      <span class=\"font1\">h) Erregistratzaileen Elkargoaren Euskal Autonomia Erkidegorako organizazioak izendatutako hiru pertsona, haien jatorriari dagokionez lurraldeen arteko oreka egokia aditzeko beharrarekin.<\/span>\n    <\/p>\n<\/li>\n<li>\n<p>\n      <span class=\"font1\">i) Euskal Herriko Unibertsitateak, Deustuko Unibertsitateak eta Mondragon Unibertsitateak izendatutako bana; hiru, guztira.<\/span>\n    <\/p>\n<\/li>\n<li>\n<p>\n      <span class=\"font1\">j) Zuzenbidearen Euskal Akademiak izendatutako bat.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">2. &#8211; Era berean, osoko bilkurako kide izan ahalko dira:<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">a) Botere Judizialaren Kontseilu Nagusiak Euskal Autonomia Erkidegoan dihardutenen artean izendatutako magistratu bat, Botere Judizialaren gobernu-organoak izendapen hori egitea eta eginkizun horretarako baimentzea erabakiko balu betiere.<\/span>\n    <\/p>\n<\/li>\n<li>\n<p>\n      <span class=\"font1\">b) Estatuko Fiskal Orokorrak, Kontseilu Fiskalaren txostena ikusita eta Euskadiko Fiskal Nagusia entzunda, Euskal Autonomia Erkidegoan dihardutenen artean izendatutako Ministaritza Fiskaleko kide bat izendapen hori egitea eta, Fiskal Orokorrak, aipatu izapidetzeak tarteko, eginkizun horre-tarako baimentzea erabakiko balu betiere.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">3. &#8211; Karguagatik izendatu direnek kargua uztean utziko diote kide izateari.<\/span>\n    <\/p>\n<\/li>\n<li>\n<p>\n      <span class=\"font1\">4. &#8211; Kideek osoko bilkuran parte hartu ahal izango dute edo beren kabuz edo, ordezkari edo ordezko gisa, eskuordetutako pertsonaren bidez. Eskuordetzen den kasuetan, eskuordetutako horrek ezin izango du beste inor eskuordetu.<\/span>\n    <\/p>\n<\/li>\n<li>\n<p>\n      <span class=\"font1\">5. &#8211; Osoko bilkurako erabakiak bileran daudenen botoen gehiengoz hartuko dira, eta, hala dago-kionean, lehendakariaren botoak ebatziko du.<\/span>\n    <\/p>\n<\/li>\n<li>\n<p>\n      <span class=\"font1\">6. &#8211; Batzordearen osoko bilkurak hartutako erabakiak ez dira ezein kasutan lotesleak izango.<\/span>\n    <\/p>\n<\/li>\n<li>\n<p>\n      <span class=\"font1\">7. &#8211; Batzordearen osoko bilkurak urtean gutxienez ohiko bilera bat egingo du, ekitaldia ireki-tzeko; ezohiko bilera, berriz, lehendakariak deialdia egiten duen bakoitzean egingo da, bere kabuz edo osoko bilkurako heren batek eskatuta.<\/span>\n    <\/p>\n<\/li>\n<li>\n<p>\n      <span class=\"font1\">8. &#8211; Lehendakariak proposatuta eta eztabaidatu beharreko gairen batek hala eskatzen duen guztietan, osoko bilkurako bilera zehatz batzuetan adituei eta gizarte zibileko ordezkariei parte hartzeko deialdia egin ahal izango zaie; hitz egiteko eskubidea izango dute, baina botoa ematekoa ez.<\/span>\n    <\/p>\n<\/li>\n<li>\n<p>\n      <span class=\"font1\">9. &#8211; Batzordearen kide izango diren pertsonak izendatzeko orduan trebakuntza, gaitasun eta prestakuntza egokia duten gizon eta emakumeen arteko oreka bilatuko da.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p class=\"font1\">\n      9. artikulua.- Osoko bilkuraren eginkizunak.\n    <\/p>\n<\/li>\n<\/ul>\n<p>\n  <span class=\"font1\">Honako eginkizun hauek izango ditu osoko bilkurak:<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">a) Euskal Zuzenbide Zibila eguneratu, aldatu eta garatzeko proiektuak sustatu eta bultzatzea.<\/span>\n    <\/p>\n<\/li>\n<li>\n<p>\n      <span class=\"font1\">b) Euskal Zuzenbide Zibilaren zabalkunde eta hedapenerako azterlanak eta ekimenak sustatzea.<\/span>\n    <\/p>\n<\/li>\n<li>\n<p>\n      <span class=\"font1\">c) Batzordeko lehendakariak onartu beharrekoa den Batzordearen urteko jarduera-planaren ildo nagusien berri izatea eta haien gainean eztabaidatzea.<\/span>\n    <\/p>\n<\/li>\n<\/ul>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">d) Zuzenbide Zibilean eskumena duen saileko titularrari aurkeztekoak direla jotzen diren anto-lamendu juridikoa aldatzeko proposamenak presta daitezen eskatzeko aurkeztu diren mozioen gainean informatzea eta eztabaidatzea, Gobernuko beste sail batzuekin batera tramitatzekoak direnak eragotzi gabe.<\/span>\n    <\/p>\n<\/li>\n<li>\n<p>\n      <span class=\"font1\">e) Antolamendu juridikoaren alderdi ezberdinei buruz komenigarritzat jotzen diren azterlanak edo ebaluazioak egiteko aurkeztu diren mozioen gainean informatzea eta eztabaidatzea.<\/span>\n    <\/p>\n<\/li>\n<li>\n<p>\n      <span class=\"font1\">f) Indarrean dagoen zuzenbidea sistematikoki aztertu eta berrikustea, barne hartuta, idatzizko arauez gain, ohiturazko zuzenbidea eta Euskal Zuzenbide Zibilaren jatorrian dauden printzipio oro-korretatik datorrena jakinaraztea eta hedatzea, zuzenbide horren aplikazioa errazteko eta haren garapenaren euskarri izan beharko diren oinarriak eta konexio-puntuak ezartzeko xedez.<\/span>\n    <\/p>\n<\/li>\n<li>\n<p>\n      <span class=\"font1\">g) Europan eta Estatuan oro har onartzen diren eta administrazio-prozedurako oinarrizko lege-riak zein euskal sektore publikoaren gobernantza onaren gainekoak eskatzen dituzten erregulazio onaren printzipioak bermatzea eta, era berean, indarrean dauden arauen emaitzen ebaluazioak eta egiten dituen araugintza-proposamenen inpaktuaren aurretiazko ebaluazioak kontuan hartzea edo sustatzea.<\/span>\n    <\/p>\n<\/li>\n<li>\n<p>\n      <span class=\"font1\">h) Zaintzako eta alerta goiztiarreko lanak egitea, Euskal Zuzenbide Zibilaren legegintza garapen-zeregin horrek izango duen Estatuko eta Europako arau-esparruaren alorrean, baita Eusko Jaurlaritzak eta Legebiltzarrak eska dezaketen aholkularitza ematea ere, batez ere era-kunde horiei Estatutik edo Europatik legegintza- edo araugintza-prozeduren tramitazioa dela-eta kontsultak egiten dizkietenean.<\/span>\n    <\/p>\n<\/li>\n<li>\n<p>\n      <span class=\"font1\">i) Helburu berberak dituzten beste elkarte eta erakunde batzuekiko hitzarmen eta harremanen berri izatea.<\/span>\n    <\/p>\n<\/li>\n<li>\n<p>\n      <span class=\"font1\">j) Aurrekoekin lotutako beste edozein eginkizun, Zuzenbide Zibilean eskumena duen saileko titularrak eskatzen dion guztietan.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p class=\"font1\">\n      10. artikulua.- Osoko bilkurako bokalak.\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">1. &#8211; Bokalek, beren eginkizunak betetzean, objektibotasunez eta independentziaz jokatuko dute, eta honako eskubide eta ahalmenak izango dituzte:<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">a) Osoko bilkuraren bileraren aurretik, eta behar besteko denborarekin, beren eginkizunak bete-tzeko behar dituzten agiri eta materialak edukitzea.<\/span>\n    <\/p>\n<\/li>\n<li>\n<p>\n      <span class=\"font1\">b) Bileretarako deialdiak hartzea eta bileretan egotea, baita bilerako gaien gainean eztabaida-tzea eta bozkatzea ere, lehendakariaren zuzendaritzapean.<\/span>\n    <\/p>\n<\/li>\n<li>\n<p>\n      <span class=\"font1\">c) Mozioak aurkeztea, Batzorde Teknikoari eska dakion Zuzenbide Zibilean eskumena duen saileko titularrari aurkeztekoak direla jotzen diren antolamendu juridikoa aldatzeko proposamenak prestatu ditzan, eta, hala badagokio, Batzordeari emandako eginkizunekin lotura duten antola-mendu juridikoaren alderdiei buruz komenigarritzat jotzen diren azterlanak edo ebaluazioak egin ditzan.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">2. &#8211; Bokalek isilpean gorde beharko dute proposamenen, irizpenen eta txostenen egoera, harik eta dagokion araua onartzen den arte eta, tramitatzen ez badira, Batzordeko lehendakariak kon-trakorik adierazi arte. Betebehar hori lanen egoerari eta bileretan izandako eztabaidei, iritziei eta botoei dagokienez ere bete behar da.<\/span>\n    <\/p>\n<\/li>\n<\/ul>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">11. artikulua.- Idazkaritza nagusia.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">1. &#8211; Batzordeko lehendakariaren menpean Idazkari nagusi bat egongo da. Honen egitekoak izango dira koordinazioa eta laguntza ematea Batzordearen lanetan, baita beharrezkotzat jotzen diren zerbitzu administratiboak betetzea ere. Zerbitzu hauek, zuzenbide zibilaren arloan esku-mena duen sailari atxikita dauden langileek beteko dituzte.<\/span>\n    <\/p>\n<\/li>\n<li>\n<p>\n      <span class=\"font1\">2. &#8211; Euskal Zuzenbide Zibilaren Batzordeko idazkari nagusiaren kargua Zuzenbide Zibilaren arloan lege-garapenari dagokion eskumena esleituta duen organoaren titularrak beteko du.<\/span>\n    <\/p>\n<\/li>\n<li>\n<p>\n      <span class=\"font1\">3. &#8211; Batzordearen Idazkaritza Nagusiari honako hauek dagozkio:<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">a) Batzordeko lehendakariak proposamenei, irizpenenei edo txostenei buruz ematen dituen aginduak, jarraibideak eta betekizunak bideratzea.<\/span>\n    <\/p>\n<\/li>\n<li>\n<p>\n      <span class=\"font1\">b) Batzordearen kanpo- eta erakundeharremanak koordinatzea.<\/span>\n    <\/p>\n<\/li>\n<li>\n<p>\n      <span class=\"font1\">c) Batzordearen eginkizunetan lagunduko duten eta elkarlanean arituko diren langileek beraien lana egoki betetzen dutela zaintzea.<\/span>\n    <\/p>\n<\/li>\n<li>\n<p>\n      <span class=\"font1\">d) Osoko bilkuran eztabaidatzeko eta Lehendakaritzak agindutakoari jarraituz, Lehendakari-tzak osoko bilkuran eztabaidatu ondoren onartu behar dituen Batzordearen jarduera planaren eta urteko ekintzen proposamenak prestatzea eta, halaber, horiek gauzatze aldera dagozkion jardue-rak betetzea.<\/span>\n    <\/p>\n<\/li>\n<li>\n<p>\n      <span class=\"font1\">e) Osoko bilkuraren eta Batzorde Teknikoaren bileretarako deialdiak bideratzea.<\/span>\n    <\/p>\n<\/li>\n<li>\n<p>\n      <span class=\"font1\">f) Osoko bilkuraren eta Batzorde Teknikoaren saioak prestatzea, baita horien aktak idatzi eta berak berez baimentzea ere.<\/span>\n    <\/p>\n<\/li>\n<li>\n<p>\n      <span class=\"font1\">g) Euskal Zuzenbide Zibilaren Batzordearekin zerikusirik duten ziurtagiriak, eragin guztietarako, eman eta baimentzea.<\/span>\n    <\/p>\n<\/li>\n<li>\n<p>\n      <span class=\"font1\">h) Geroago izapidetuko diren proposamen guztiak formalizatzea, horiek behar beste dokumentatuta.<\/span>\n    <\/p>\n<\/li>\n<li>\n<p>\n      <span class=\"font1\">i) Idazkaritzak antolamendu egokia izan dezan beharrezkoak diren erregistro-liburuak eramaten direla zaintzea eta baita horiek gordetzea ere.<\/span>\n    <\/p>\n<\/li>\n<li>\n<p>\n      <span class=\"font1\">j) Batzordearen Artxiboa antolatu eta ezin hobe funtzionatzen duela zaintzea, Batzordean aztertu izan den gai bakoitzarekin lotutako aurrekari eta datu guztien zaintza ordenatua bermatzeari arreta berrezia ipiniz. Horrez gain, Euskadiko Zuzenbide Pribatuari buruzko funts dokumentala eta biblio-grafikoaren sorrera izango du bere zaintzapean.<\/span>\n    <\/p>\n<\/li>\n<li>\n<p>\n      <span class=\"font1\">k) Gastuen aurreikuspena egitea.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p>\n      <span class=\"font1\">12. artikulua.- Batzorde Teknikoa.<\/span>\n    <\/p>\n<\/li>\n<\/ul>\n<p>\n  <span class=\"font1\">1.- Batzordearen idazkari nagusiaren zuzendaritzapean, Batzorde Teknikoa eratuko da. Batzorde tekniko horrek etengabe beteko du bere lana, edo Batzordearentzako txosten edo lan zehatz bat prestatzeko berariaz lan egingo du. Euskal Autonomia Erkidegoko Administrazio Oro-korraren zerbitzu juridiko zentraletako edo sailetako aholkularitza juridikoetako legelariek osatuko dute Batzorde Teknikoa.<\/span>\n<\/p>\n<p>\n  <span class=\"font0\">2016ko urriaren 10a, astelehena<\/span>\n<\/p>\n<p>\n  <span class=\"font1\">Era berean, inolako ordainik gabe eta Batzorde Teknikoarekin koordinatuta, osoko bilkuraren bokalak izendatzen dituzten erakundeek proposatutako ospe handiko juristek ere lagundu ahal izango dute.<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">2.- Gai zehatz batzuetarako berariazko gaitasuna duten beste pertsona batzuen laguntza behar dela irizten denean, Zuzenbide Zibilaren arloan eskumena duen saileko titularrak izendatu ahal izango ditu pertsona horiek, Batzordeari atxikitako laguntzaile gisa, batzorde txostengile edo lan-talde batean sartuta. Izendapena egitean zehaztuko den eta behar den beste denbora egongo dira laguntza ematen, eta, gainera, ezin izango dute inolaz ere ordainik jaso.<\/span>\n    <\/p>\n<\/li>\n<\/ul>\n<ul style=\"list-style:none;\">\n<li>\n<p class=\"font1\">\n      13. artikulua.- Batzorde Teknikoaren eginkizunak.\n    <\/p>\n<\/li>\n<\/ul>\n<p>\n  <span class=\"font1\">Honako eginkizun hauek izango ditu Batzorde Teknikoak:<\/span>\n<\/p>\n<ul style=\"list-style:none;\">\n<li>\n<p>\n      <span class=\"font1\">a) Araugintza-testuen aurreproiektuak eta proposamenak prestatu eta idaztea.<\/span>\n    <\/p>\n<\/li>\n<li>\n<p>\n      <span class=\"font1\">b) Euskal Zuzenbide Zibilaren arauen aurrekariak aztertzea, oraingoak edo historikoak, baldin eta horrek zuzenbide horren aplikazioari buruzko irizpenak emateko balio badu edo zuzenbide hori kontserbatzeko, mantentzeko eta garatzeko balio badu.<\/span>\n    <\/p>\n<\/li>\n<li>\n<p>\n      <span class=\"font1\">c) Arauen gaineko ebaluazioak egitea, besteren artean praktika zibil eta judizialaren eraginaren eta errealitatearen gaineko datu estatistikoak bilduz, Euskal Estatistika Erakundera eta antzeko erakundeen laguntzarekin, bai eta notarioen estatistiken eta estatistiketarako eta analisiak egiteko Justizia Administrazioak eta Botere Judizialak dituen tresna eta baliabideen laguntzarekin.<\/span>\n    <\/p>\n<\/li>\n<li>\n<p>\n      <span class=\"font1\">d) Euskal Zuzenbide Zibilaren garapena sustatzeko behar diren beste azterlan batzuk egitea, batez ere lege-erreformak egiteko beharrizanari buruzko irizpenak emanez, erreforma horien hel-burua denean bai indarrean dauden xedapenak kontsolidatzea, harmonizatzea eta sinplifikatzea, edo bai euskal legeria unean-uneko errealitate sozialera egokitzea eta, hala badagokio, erakunde berriak arautzeko egokitasunari buruzko azterketak eginez.<\/span>\n    <\/p>\n<\/li>\n<li>\n<p>\n      <span class=\"font1\">e) Osoko bilkurari egotzitako beste zereginetan laguntzea, hura bilduta ez dagoen bitartean.<\/span>\n    <\/p>\n<\/li>\n<li>\n<p>\n      <span class=\"font1\">f) Euskal Zuzenbide Zibilaren alorrean eskumena duen saileko titularrari edo Batzordearekin harremanak izateko ardura duen Legebiltzarreko organoari aholkularitza ematea, eskatzen duten guztietan eta Batzordeko lehendakariaren bitartez.<\/span>\n    <\/p>\n<\/li>\n<\/ul>\n<p>\n  <span class=\"font0\">2016\/4251 (9\/9)<\/span><\/p>\n","protected":false},"featured_media":0,"template":"","categories":[607],"tags":[636,632],"grupo_ley":[2281],"class_list":["post-10175","ley","type-ley","status-publish","hentry","category-leyes","tag-euskal-autonomia-erkidegoa","tag-lege-zibilak"],"acf":[],"_links":{"self":[{"href":"https:\/\/www.forulege.com\/eu\/wp-json\/wp\/v2\/ley\/10175","targetHints":{"allow":["GET"]}}],"collection":[{"href":"https:\/\/www.forulege.com\/eu\/wp-json\/wp\/v2\/ley"}],"about":[{"href":"https:\/\/www.forulege.com\/eu\/wp-json\/wp\/v2\/types\/ley"}],"wp:attachment":[{"href":"https:\/\/www.forulege.com\/eu\/wp-json\/wp\/v2\/media?parent=10175"}],"wp:term":[{"taxonomy":"category","embeddable":true,"href":"https:\/\/www.forulege.com\/eu\/wp-json\/wp\/v2\/categories?post=10175"},{"taxonomy":"post_tag","embeddable":true,"href":"https:\/\/www.forulege.com\/eu\/wp-json\/wp\/v2\/tags?post=10175"},{"taxonomy":"grupo_ley","embeddable":true,"href":"https:\/\/www.forulege.com\/eu\/wp-json\/wp\/v2\/grupo_ley?post=10175"}],"curies":[{"name":"wp","href":"https:\/\/api.w.org\/{rel}","templated":true}]}}