Blog
"Familia eta oinordetza zuzenbidea", bosgarren argitaraldia
Forulege 2024/02/01Andres M. Urrutia Badiola, AVD-ZEAren burua eta notarioak eta Elixabete Piñol Olaeta, AVD-ZEAren buruordea, abokatua eta Deustuko Unibertsitatearen Zuzenbide Fakultatearen irakasleak, berrikitan argitaratu dute goian aipaturiko liburuaren bosgarren argitaraldia. Argitalpen berri honen hartzaileak dira unibertsitateko gradu eta master ikasketen ikasleak eta, era berean, zuzenbidearen jardule teoriko zein praktikoak, zuzenbide zibilaren arlo horietara euskaraz hurreratu nahi direnak. Liburuaren edukia eguneraturik dago azken lege eraldaketen arabera, bereziki desgaitasunari, etxe-animalien artatzeari eta gurasoekiko filiazioari buruzko legeria berriarekin; eta egileen aurretiazko eskarmentu akademiko zein lanbidekoa du oinarri. Orobat, Europa mailan unibertsitate irakaskuntzaren eskakizun berriei ere egokiturik dago, tresna eragingarria izan dadin. Zuzenbidearen Euskal Akademiaren Lanbideak sailean 6. zenbakia du liburu berriak eta Akademiaren babespean argitaratu da, Dykinson argitaletxearekin batera.
Post honetara atxikitzen dira liburuaren azala eta aurkibidea.
Izenburua: Familia eta oinordetza zuzenbidea
Arg.: Andrés M. Urrutia Badiola / Elixabete Piñol Olaeta
Lanbideak Bilduma, 6.
Academia Vasca de Derecho/Zuzenbidearen Euskal Akademia 2021. 5. argitaraldia.
Facebook
Twitter
