faq
Zer esan nahi du "gatazka-arau" esamoldeak?
Gatazka-araua da, izatez, lege-gatazka konpontzeko aplikatzen dena. Estatuaren eskumen esklusiboa da gatazka-arauak zehaztea. Gaur egun, gatazka-arauak Kode Zibilean daude jasota, eta arau horiek zenbait lotune hartzen dituzte kontuan: lotune pertsonalak (oinarrian, auzotasun zibila), oinordetza-arazoetan eta ezkontzaren araubide ekonomikoari dagozkionetan, lotune errealak (ondasuna non dagoen kokatuta), jabetzari eta gainerako eskubide errealei buruzko arazoetan; eta, bukatzeko, egilespen-tokia aintzakotzat hartzen da, testamentuen, kontratuen eta gainerako egintza juridikoen formari dagokionez.