faq

Nori deitzen zaio komisario?

Testamentugileak pertsona zehatz horri agintzen dio oinordekoa izendatzea eta ondasunak banatzea, eta, halaber, testamentugileak beste ahalmen batzuk ematen dizkio, ondasun horiek oinordetza bidez eskualdatu ahal izateko. Orokorrean, legeria zibil erkideak ez du onartzen komisarioaren figura. Hala eta guztiz ere, Kode Zibilaren 831. artikulua eraldatu denetik, eta betiere seniparte hertsiaren ondoriozko murrizketarekin, testamentu-ahalordea eman ahal zaio ezkontideari, bai eta, kausatzailearekin ezkonduta egon ez arren, harekin seme-alabak edo ondorengoak dituenari ere. Bizkaiko Foruak, agerikoa denez, onartzen du komisarioaren figura. Bizkaian, komisario izan daitezke, bai ezkontidea, bai bestelako senideak, baita lagunak ere.