faq
Zein dira testamentu mankomunatuari buruzko arau zehatzak, Bizkaiko Foruan?
Bizkaian, bizkaitar forudunek nahiz forugabeek testamentu mankomunatua egin dezakete; baina nahitaezkoa da betiere notarioaren aurrean egitea. Testamentua horrela eginez gero, bi ezkontideek batera ezeztatu edo aldarazi ahal izango dute testamentu hori, notarioaren aurrean geroago beste testamentu bat edo oinordetza-ituna eginez. Horrez gain, ezkontideetatik edozeinek bere kabuz testamentu mankomunatua ezeztatu ahal izango du, baldin eta modu sinesgarrian besteari ezeztapena jakinarazten badio; ez badu jakinarazpenik egiten, ezeztapenak ez du ondoriorik izango. Testamentu mankomunatuaren aldebakarreko ezeztapenak berarekin dakar haren xedapen guztiak eraginik gabe geratzea; orobat, testamentu horren klausuletatik edozein ezeztatzen denean, aldebakarreko erabakiz. Bukatzeko, ezkontideetatik bat hiltzen bada, testamentu mankomunatua egiletsi eta hurrengo urtean, alargunak ezin ditu ezeztatu ondasun erkideen gaineko xedapenak.