faq
Bizkaiko Foruak zein oinordetza-mota onartzen du? Ba al dago desberdintasunik, legeria zibil orokorrean onartutako oinordetza-motei begira?
Legeria zibil orokorrean, oinordetza antolatzen da, testamentuaren bidez edo legearen bidez; aurrenekoari testamentuzko oinordetza deritzo, eta hurrenari, abintestato oinordetza, testamenturik gabeko oinordetza edo oinordetza legitimo. Kode Zibilak, beraz, orokorrean debekatzen du oinordetza antolatzea oinordetza-kontratu edo oinordetza-itunaren bitartez; hortik ateratzen da kontratuzko oinordetza ez dela onargarria, eta, ondorenez, oinordetza-itunak deusezak direla, salbuespen jakin batzuk alde batera utzita.
Bizkaiko Foruan, oinordetza antolatzen da, testamentuaren bidez, legearen bidez eta kontratuaren bidez; gauzak horrela, oinordetza-itunek eginkizun garrantzitsua betetzen dute, familia-ondarearen jarraitutasuna bermatzeko.