faq
Bizkaiko lurraldearen zein zati dagokio Lur lauari?
Lur lau (edo Infantzonatu) izena erabiltzen da, Bizkaiko lurralde historiko osoa izendatzeko, betiere salbuespen izanik Balmaseda, Bermeo, Durango, Ermua, Gernika-Lumo, Lanestosa, Lekeitio, Markina-Xemein, Ondarroa, Otxandio, Portugalete eta Plentzia hiribilduetako zati forugabea, Urduñako ziutatea eta Bilboren egungo udalerria. Euskal Herriko Foru Zuzenbide Zibilari buruzko 3/1992 Legearen helburuetatik bat zen haren lurralde-zabalkuntzari buruz zalantza guztiak uxatzea. Horretarako, Bizkaiko hiribildu forugabeen udalei planoa prestatzeko agindua eman zien; plano horrek mugatu behar zituen, batetik, jatorrizko hiriguneak, eta, bestetik, hirigune horien aldameneko lurzoruak, baldin eta «hiri-lur» gisa kalifikatuta bazeuden, udalaren indarreko planeamenduaren arabera. Udalek plano horiek prestatu zituzten, eta egun interesdunen eskura daude, kontsultatu nahi izanez gero.