faq

Zer da testamentu-ahalordea?

Norbaitek (ahalorde-emaileak) beste inori (komisarioari) eman diona, bere ondasunak xeda ditzan, bera hil eta gero. Komisario bidezko testamentua da, beraz, komisarioak testamentu-ahalordea erabilita egiletsi duena. Bizkaiko Foruan, testamentu-ahalordea ematen bazaio ezkontide ez denari, hori nahitaez notario-testamentuan egin behar da. Alderantziz, testamentu-ahalordea ezkontideari ematen bazaio, orduan, notario-testamentuan egiteaz gain, ezkontzako itunetan edo oinordetza-itunen eskrituran egin daiteke hori.