faq
-
Zein da komisario bidezko testamentuaren ezaugarri nagusia? Onartuta al dago Gipuzkoan?
Komisario bidezko testamentua da komisarioak egiletsi duena, ahalorde-emaileak berari eman dion testamentu-ahalordea erabilita; izan ere, ahalorde hori ematen da, ahalorde-emailea hil ondoren haren ondasunak xedatzeko. Kode Zibilak beren-beregi debekatzen du testamentu-mota hori. Izan ere, legeria zibil erkidean, testamentuaren oinarrizko ezaugarrietatik bat da bere-berezkoa izatea, eta horrek eragozten du, orokorrean, testamentua egiteko ahalmena eskuordetu ahal izatea. Hala eta guztiz ere, Kode Zibilaren 831. artikulua eraldatu denetik, eta betiere seniparte hertsiaren ondoriozko murrizketarekin, testamentu-ahalordea eman ahal zaio ezkontideari, bai eta, kausatzailearekin ezkonduta egon ez arren, harekin seme-alabak edo ondorengoak dituenari ere. Bestalde, foru-legeria zibil desberdinek, eta, bereziki, Gipuzkoako Foruak onartu egiten dute komisario bidezko testamentua.
<< Atzera