faq

  • Bizkaiko foru-legerian, zein dira testamenturik gabeko oinordetzaren ezaugarri nagusiak?

    Bizkaiko Foruaren arabera, testamenturik gabeko oinordetza gauzatzen da, lehenengo eta behin, seme-alaben mesederako, berezko eskubidearen bitartez, eta gainerako ondorengoen mesederako, ordezkapen-eskubidearen bitartez.

    Ondorengorik izan ezean, herentziara deitzen zaie aurrekoei, eta, horien artean, nahitaez bereizi behar dira, batetik, (aitarenganako eta amarenganako) lerro bietan diren ondasun tronkalak, eta, bestetik, ondasun ez-tronkalak.  

    Ondorengorik eta aurrekorik izan ezean, alarguna izango da oinordeko, albokoak baino lehenago, ondasun ez-tronkal guztietan; gainerako kasuetan, alargunak bere seniparteari, hau da, gozamen-eskubideari eusten dio (herentziaren erdiaren gainean, ondorengoekin batera eta aurrekoekin batera herentziara deitzen zaionean, eta, bestela, herentziaren bi herenen gainean).

    Aurrekorik eta alargunik izan ezean, ondasun ez-tronkalak albokoenganako bi lerroen artean erdibanatuko dira, laugarren graduraino, lerro bateko nahiz besteko senideen hurbiltasuna edozein izanik ere; lerroetatik batean ere ez badago alboko seniderik, ondasun ez-tronkal guztiak izango dira alboko senideak zein lerrotan egon eta lerro horretako senideentzat.

    Bukatzeko, albokorik izan ezean, herentziara deituko zaio kausatzailearen auzotasuna zein izan eta lurralde historiko horretako foru-aldundiari.


<< Atzera

faq
AVD Academia vasca de derecho · ZEA zuzenbidearen euskal akademia

AVD · ZEA · Academia Vasca de Derecho · Zuzenbidearen Euskal Akademia
Recalde zumarkalea, 8. zk, 1.solairua, eskuina. 48009 Bilbo. Tel.: (+34) 94 425 57 15 - Faxa: (+34) 94 424 64 99
moc.aez-dva@airaterces
Babesleak:
Eusko Jaularitza. Justizia eta Herri Administrazio Saila
Justizia eta Herri Administrazio Saila
ivap
bbk
bizkaia
Laguntzailea:
Foru Zuzenbidea Ikertzeko Taldea - Bilbao
Euskal Zuzenbide Zibila Ikertzeko Taldea
©2009. AVD-ZEA. Lege-oharra